Personar som har eit særskild tyngande omsorgsarbeid. Den omfattar frivillige omsorgsytarar utan omsorgsplikt og foreldre til mindreårige barn som foreldre har omsorgsplikt for. Omsorgsgjevar kan sjølv søkje omsorgsstønad.

• Søkjar må ha hovudansvaret for omsorga
• Omsorgsarbeidet er meir fysisk eller psykisk belastande enn vanleg
• Søkjar må utføre omsorgsarbeidet til ein person som har langvarig sjukdom/funksjonshemming som medfører store behov for tenester
• Omsorgsarbeidet inneber mykje nattarbeid eller avbrot i nattesøvn
• Arbeidet fører til sosial isolasjon og mangel på feire og fritid
• For at føresette skal få innvilga omsorgsstønad for barn, må omsorgssituasjonen gå ut over omsorg og foreldreansvar alle føresette har for sine born
• Omsorgsstønad skal vera til beste for omsorgsmottakaren, vurdert i høve til andre tenester
• Dersom omsorgsstønad ikkje er løysinga på tenestebehovet, skal kommunen gje rettleiing og hjelp for å kome i kontakt rett tenesteområde
• Kommunen kan krevje at det blir søkt om hjelpestønad frå NAV

Omsorgsstønaden blir lønna som stilling utan krav om særskilt utdanning (ufaglært). Omsorgsstønadsordninga tek ikkje sikte på å gje dei som har tyngjande omsorgsarbeid full løn for kvar time dei arbeider. Omsorgsstønad blir rekna som inntekt etter skattelova. For dei som mottek omsorgsstønad kan det gjelde avkortningsreglar etter trygdereglane, på same måte som for anna arbeidsinntekt. Døme på dette er alderstrygd, uføretrygd, arbeidsløysetrygd og overgangsstønad. I desse tilfella er det trygda som blir avkorta og ikkje omsorgsstønaden. Den som utfører omsorgsarbeid kan, etter reglane i folketrygdlova § 3-16, få 3,5 pensjonspoeng (omsorgspoeng) i folketrygda. Departementet rår til at partane inngår eit oppdragstakarforhold.

Søknadsskjema får du ved å kontakte Vang kommune, eller på nettsidene til Vang kommune.

Vang kommune ber om at du legg ved vedtak om hjelpestønad frå NAV. Informasjon om dette finn du på nettsidene til NAV eller ved å kontakte ditt lokale NAV kontor.

Om ein annan søkjer på vegne av deg, må vedkomande ha fullmakt frå deg. Fullmakt skal ligge ved søknaden.

Råd, rettleiing og hjelp til å fylle ut søknaden kan du få av oss.

Last ned søknadsskjema

Les meir om hjelpestønad på NAV sine nettsider

Søknad sendast

Vang kommune
v/ Tildelingsteamet, Vangsheimen
Tyinvegen 5150
2975 Vang i Valdres

Søknad kan ikkje sendast elektronisk grunna personvernet.

Det blir utført IPLOS-registrering (individbasert pleie- og omsorgsstatistikk), som er lovpålagt. Søknaden blir individuelt behandla.

Tenesta nyttar elektronisk pasientjournal.

Det blir gjort ei skjønnsmessig vurdering, der omsorgsstønaden blir sett i samanheng med andre pleie og omsorgstenester.

Du får skriftleg avtale der det går fram kor mange timar du er tildelt og kva godtgjersla er.

Omsorgsstønaden skal evaluerast årleg, og du må søkje på nytt kvart 2.år.

Omsorgsstønad blir tildelt etter heimel i Lov om kommunale helse- og omsorgstjenester § 3-2, 1. ledd nr. 6, bokstav a, jfr § 3-6.

Du har rett til å klage på vedtaket jf. Pasient- og brukerrettighetsloven kap 7 § 7-2 og Forvaltningsloven §§ 28, 29.

Klaga sender du til Tildelingsteamet, som har fatta vedtaket.

Fristen for å klage er 4 veker etter at du har motteke vedtaket frå kommunen.

Dersom vedtaket blir oppretthalde av kommunen, blir klage oversendt Statsforvaltar i Innlandet.