Grunna ombygging på biblioteket, er vaksineringa i haust flytt til Støga på Sygarden på Vangsheimen. Det er direkte inngang på oversida av bygget.

Tidspunkt: Torsdag 24. oktober og torsdag 31. oktober kl 09.00 -11.30 og kl 13.00 -15.00

Bestill gjerne time ved å kontakte legekontoret, men drop-in er også mogleg mot at noko venting kan måtte påreknast.

• Pris: kr.200,- for influensavaksine. Frikort gjeld ikkje. Covid-vaksine er gratis.
• Betaling: Faktura sendast ut elektronisk til alle med fakturagebyr på 10 kr.  

Covid-vaksine

Det er anbefalt oppfriskingsdose for alle over 65 år og for risikogrupper. Det må ha gått 6 månader sidan forrige vaksine, eller 3 månader siden aktiv koronasjukdom. Vaksinering av barn under 12 år må avtaleast på legekontoret.

Influensavaksine

Personar i følgjande risikogrupper bør ta influensavaksine årleg:  

• Bebuarar i omsorgsbustader og sjukeheimar 
• Alle frå fylte 65 år
• Gravide etter 12. svangerskapsveke (2. og 3. trimester). Gravide i 1. trimester med annan tilleggsrisiko skal òg få tilbod om influensavaksine 
• Prematurt fødde barn, særleg barn fødd før veke 32 i svangerskapet, frå 6 månader (kronologisk alder) til 5 år.
• Barn og vaksne med:
  • kronisk lungesjukdom
  • hjarte- og karsjukdom
  • diabetes type 1 og 2
  • leversvikt eller nyresvikt
  • kronisk nevrologisk sjukdom eller skade
  • nedsett immunforsvar
  • svært alvorleg fedme (KMI over 40)
  • annan alvorleg og/eller kronisk sjukdom

Pneumokokkvaksine

Alle over 65 år er anbefalt vaksine mot pneumokokkar, ein bakterie som mellom anna kan gi alvorleg lungebetennelse. Vaksinen kan takast samtidig med vaksine mot covid -19 og influensa, men ikkje oftare enn kvart 6. år. Ta kontakt med legekontoret på førehand om du ynskjer denne vaksina, eller du er kan bestille den på eit seinare tidspunkt