Skutshorn er i dag under periodisk overvaking, men basert på NGU sine undersøkingar vil NVE starte med kontinuerleg overvaking. Eit større fjellskred frå Skutshorn kan føre til flodbølgje i Vangsmjøse som kan få store konsekvensar for busetnad langs heile Vangsmjøse. Skutshorn blir det tiande fjellpartiet i Norge som blir overvaka døgnet rundt. Sjå informasjon kontinuerleg overvaka fjellparti i Norge her.

-Det er godt å vite at Skutshorn vil bli kontinuerleg overvaka, seier ordførar Vidar Eltun. -Det er ikkje nytt for oss at det går ras i dette området, men det er likevel noko overraskande at det er eit større parti av fjellet som er i rørsle. Kommunen vil no setje seg inn i arbeidet som er gjort og sjå på kva konsekvensar dette kan få for områda rundt Vangsmjøse på kort og lang sikt, både innanfor arealplanlegging og beredskapsarbeid.

NGI vil i løpet av hausten 2022 kome med faresonekart, endeleg rapport frå NGU er også venta då. Vang kommune vil leggje ut ny informasjon i løpet av hausten så fort faresonekart og rapport er ferdig.

NVE si pressemelding om kontinuerleg overvaking av Skutshorn kan du lese her.

Kontaktpersonar i kommunen er:
Ordførar Vidar Eltun, fungerande kommunedirektør Guro Råheim Kvam og kommunalsjef landbruk og teknisk Morten J. Johansen.